ویب ڈیسک: خیبر پختونخوا کے صوبائی وزیر برائے اعلیٰ تعلیم مینا خان وزیر نے کہا ہے کہ عمران خان کو جھوٹے کیسز میں پھنسانے والے ایک بار پھر ناکام ہو گئے ۔
عدت کیس فیصلے آنے کے بعد صوبائی وزیر مینار خان نے اہم بیان جاری کرتے ہوئے کہا ہے کہ اللہ تعالیٰ کے فضل و کرم سے بانی پی ٹی آئی عمران خان اور بشریٰ بی بی آج پھر سرخرو ہو گئے ہیں ۔
انہوں نے کہا کہ بانی پی ٹی آئی عمران خان کی عزت کو نقصان پہنچانے والے کبھی بھی کامیاب نہیں ہوں گے ۔
صوبائی وزیر کا کہنا تھا کہ پاکستان تحریک انصاف کے سربراہ عمران خان کو جھوٹے کیسز میں پھنسایا گیا انشاء اللہ عمران خان تمام کیسز میں سرخرو ہوں گے ۔
انہوں نے کہا کہ فتح ہمیشہ حق اور سچ کی ہی ہوتی ہے ۔
![مینا خان آفریدی](https://i0.wp.com/mashriqtv.pk/wp-content/uploads/10-399.jpg?fit=800%2C450&ssl=1?v=1720879566)