روس نے غزہ میں جاری حملے فوری روکنے کا مطالبہ کرتے ہوئے کہا ہے کہ اسرائیل جنگ بندی کی بین الاقوامی کوششوں کو سبوتاژ کر رہا ہے ۔
روسی وزارت خارجہ کی جانب سے جاری بیان میں کہا گیا کہ اسرائیل غزہ میں شہریوں کو منظم طریقے سے نشانہ بنا رہا ہے۔
ادھر ایران نے کہا کہ اسرائیل نے التابعین سکول پر وحشیانہ حملے سے واضح کر دیا کہ وہ کسی عالمی اور اخلاقی اصولوں کا پابند نہیں۔
برطانیہ، ترکیہ، سعودی عرب اور دیگر عرب ممالک نے بھی سکول پر اسرائیلی حملے کی شدید الفاظ میں مذمت کی جبکہ قطر نے پناہ گزین سکول پر حملے کی عالمی سطح پر تحقیقات کا مطالبہ کیا۔
دوسری جانب حماس کے نائب سربراہ خلیل الحیا نے بھی عرب اور اسلامی ممالک سے اسرائیل کے خلاف متحد ہونے اور اسرائیل سے سفارتی تعلقات منقطع کرنے کا مطالبہ کیا ہے۔
