ویب ڈیسک: روس کے صدر ولادی میر پوتن نے ملک کی جوہری طاقت کی جنگی تیاری میں اضافے کا عندیہ دے دیا ہے۔
ولادی میر پوتن نے اپنے جاری کردہ بیان میں کہا ہے کہ روس اپنی عسکری صلاحیت میں اضافہ کرے گا۔ ہماری فوج کو ایک اہم تجربہ حاصل ہوا ہے۔ آپ کو نیٹو کے تجربے کا تجزیہ کرنا چاہیے۔
اپنے بیان میں روسی صدر نےکہا ہے کہ 24 فروری سے جاری یوکرین جنگ میں متعدد نیٹو رکن ممالک کا اسلحہ روس کے خلاف استعمال کیا جا رہا ہے۔
پوتن نے کہا ہے کہ ہمیں اپنی جوہری طاقت کی جنگی تیاری کو فروغ دینا چاہیے ہمارا بین البراعظمی میزائل سارمات مستقبل قریب میں جنگی فرائض کے لئے تیار ہو جائے گا۔
