ویب ڈیسک (اسلام آباد): الیکشن کمیشن نے شہباز شریف کی درخواست مسترد کردی، ذرائع کے مطابق شہباز شریف کی طرف سے الیکشن کمیشن میں درخواست دائر کی گئی تھی، شہباز شریف نے سینیٹ الیکشن میں ووٹ لاہورمیں پول کرنے کی درخواست کی تھی، قومی اسمبلی کے علاوہ کہیں اور ووٹ ڈالنے کی اجازت نہیں، قومی اسمبلی کے دیگراسیرارکان بھی قومی اسمبلی ہال میں ہی ووٹ پول کریں گے۔
ذرائع نے مزید بتایا کہ الیکشن کمیشن پہلے ہی اسیر ارکان کے پروڈکشن آرڈرجاری کرچکا ہے، اسیر ارکان کو سینیٹ کے الیکشن کیلئے 2 مارچ کی رات کو پارلیمنٹ لاجز لایا جائےگا۔