ویب ڈیسک(پشاور)صوبہ خیبر پختونخوا میں پشاور کے سب سے بڑے لیڈی ریڈنگ ہسپتال کے حکام نے کورونا وائرس کے بڑھتے ہوئے کیسز کے پیش نظر ہسپتال کی او پی ڈی کو بند کردیا ہے۔
لیڈی ریڈنگ ہسپتال حکام کے مطابق کورونا کے بڑھتے ہوئے کیسز کے پیش نظر ہسپتال کی او پی ڈی بند کردی گئی ہے،ہسپتال کے ایمرجنسی ڈیپارٹمنٹ میں صرف ایمرجنسی آپریشن اور ضروری علاج مہیاء کیا جا رہا ہے۔
ترجمان کے مطابق ہسپتال اس وقت کورونا وائرس کے خلاف فرنٹ لائن کے طور پر کام کررہا ہے ۔
حکام کا کہنا ہے کہ کورونا کے بڑھتے ہوئے کیسز کے پیش نظر معمول کے حالات نہیں ہیں عوام غیر ضروری گھروں سے نہ نکلیں۔
دوسری جانب وفاقی دارالحکومت اسلام آباد میں کورونا وائرس کے بڑھتے کیسز پر پاکستان انسٹی ٹیوٹ آف میڈیکل سائنسس (پمز) اسپتال کی انتظامیہ نے ریڈ الرٹ جاری کر دیا ۔
