ویب ڈیسک (پشاور)کورونا کی چوتھی لہر کے پیش نظر پشاور میں دو روزہ لاک ڈاون کے فیصلے پر عملدرآمد شروع ہوگیا۔
تفصیلات کے مطابق کارخانو بازار ،جمرود روڈ ،سرکلر روڈ ، آسیہ گیٹ ، رامداس ، کوہاٹ روڈ سمیت کئی بازاربند ان علاقوں میں جمعہ ہفتہ دو دن بازار بند رہینگے، صدر بازار ، ٹاون ، مینابازار اور دیگر مارکیٹوں میں ہفتہ اتوار لاک ڈاون ہوگا ۔
ضلعی انتظامیہ نے کورونا کی چوتھی لہر کے پیش نظر دو روزہ لاک ڈاون کا فیصلہ کر رکھا ہے ۔
ہفتے میں دو روز مارکیٹوں کے تاجروں کی باہمی مشاورت سے لاک ڈاون کے تحت بازار بند ہونگے ۔
لاک ڈاون کے تحت بازار رات آٹھ بجے تک کھلے رہینگے ،ہوٹلوں میں آوٹ ڈور کھانے کی اجازت ہوگی۔
