ویب ڈیسک (تورغر)تورغرمیں جدبا نامی قصبے کے گائوں جھٹکا میں مٹی کا تودہ گرنے سے8خواتین سمیت 14 افراد جاں بحق ہو گئے۔
مقامی لوگوں کے مطابق تودہ گرنے سے دو گھر مٹی کے ریلے میں بہہ گئے۔
ملبے سے خواتین اور بچوں سمیت 11 افراد کی نعشیں نکال لی گئیں ہیں جبکہ ملبے تلے دبے دیگر افراد کی تلاش جاری ہے۔ مقامی لوگ اور پولیس امدادی کارروائیوں میں مصروف ہیں۔
یہ بھی پڑھیں:مانسہرہ:کارحادثہ میں ایک ہی خاندان کے5 افراد جاں بحق
دوسری جانب وزیر اعلیٰ خیبرپختونخوا نے تورغر میں قیمتی جانوں کے ضیاع پر گہرے رنج اور غم کا اظہار کیا۔ انہوں نے متاثرہ خاندانوں سے دلی ہمدردی اور تعزیت کا اظہار کیا۔
وزیر اعلیٰ خیبر پختونخوا نے کہا کہ حکومت متاثرین کو تنہا نہیں چھوڑے گی اور ہر ممکن مدد کی جائے گی۔
