سری لنکا کے خلاف ہوم گراؤنڈ پر ٹی 20 میچز کی سیریز میں ٹیم کی قیادت کے لئے نیوزی لینڈ نے ٹام لیتھم کو کپتان مقرر کر دیا ہے۔ وہ سری لنکا کے علاوہ اپریل میں پاکستان کے خلاف بھی نیوزی لینڈ ٹیم کی قیادت کریں گے۔ کپتان ٹم ساؤتھی، کین ولیمسن، گلین فلپس، مچل سینٹنر، ڈیون کونوے، فن ایلن، مائیکل بریسویل اور لوکی فرگوسن جیسے ٹی 20 کے کھلاڑیوں کو ٹیم میں نہیں لیا گیا کیونکہ انہیں 31 مارچ سے شروع ہونے والی آئی پی ایل کھیلنے کی منظوری دے دی گئی ہے۔ اسکواڈ میں دو غیر کیپڈ کھلاڑی چاڈ بووز اور ہنری شپلی بھی شامل ہیں۔ جبکہ جمی نیشم SA20 اور PSL کھیلنے کی وجہ سے ہندوستان میں T20I سیریز اور سری لنکا کے خلاف ہوم ون ڈے سے محروم ہونے کے بعد واپس آئے ہیں۔
