اسلام آباد (ویب ڈیسک) پاکستان کرکٹ بورڈ کی مینجمنٹ کمیٹی کے نئے چیئرمین ذکاء اشرف نے عہدے کا چارج سنبھال لیا۔ ذکاء اشرف کی پی سی بی ہیڈ کوارٹرز آمد پر بورڈ کے اعلیٰ عہدیداروں نے ان کا استقبال کیا۔
ذکاء اشرف کے چارج سنبھالنے کی کاغذی کارروائی مکمل کرلی گئی ہے اور اس موقع پر انہیں پی سی بی ملازمین کے ساتھ گھلتے ملتے بھی دیکھا گیا۔
پی سی بی کی نئی مینجمنٹ کمیٹی کا پہلا اجلاس نیشنل کرکٹ اکیڈمی میں ہوگا جس میں کرکٹ بورڈ کی آئندہ کی حکمت عملی طے کی جائے گی۔
واضح رہے کہ پاکستان کرکٹ بورڈ کی نئی مینجمنٹ کمیٹی 4 ماہ کے لیے بنائی گئی ہے جو بورڈ کے آئی سی سی سمیت دیگرامور کو دیکھے گی۔
