وارنٹ گرفتاری معطل

حسن اور حسین نواز کے دائمی وارنٹ گرفتاری معطل

ویب ڈیسک: احتساب عدالت نے نیب ریفرنسز میں میاں نواز شریف کے صاحبزادوں حسن اور حسین نواز کے دائمی وارنٹ گرفتاری معطل کردیئے ۔
اسلام آباد کی احتساب عدالت کے جج ناصر جاوید رانا نے محفوظ شدہ فیصلہ سنایا، اس موقع پر حسن اور حسین نواز کے وکیل قاضی مصباح الحسن اور رانا عرفان عدالت میں پیش ہوئے۔
قاضی مصباح نے کہا کہ حسن نواز اور حسین نواز 12 مارچ کو پاکستان آنا چاہتے ہیں اس پر عدالت میں نیب پراسیکیوٹر نے کہا تھا کہ ملزمان کو پیش ہونا پڑیگا، اس کے بغیر وارنٹ گرفتاری معطل نہیں ہوسکتے۔
عدالت نے گزشتہ روز محفوظ کیا جانے والا فیصلہ سناتے ہوئے حسن اور حسین نواز کے دائمی وارنٹ گرفتاری 14 مارچ تک معطل کردیئے ۔
حسن اور حسین نواز نے ایون فیلڈ، فلیگ شپ اور العزیزیہ ریفرنس میں درخواستیں دائر کی تھیں جس میں وارنٹ گرفتاری معطل کرنے کی استدعا کی گئی تھی۔

مزید پڑھیں:  اسرائیلی جارحیت کے باعث 64 فلسطینی شہید، 105 زخمی