ویب ڈیسک: اسلام آباد ہائیکورٹ کے بعد لاہور ہائیکورٹ کے ججز بھی دھمکی آمیز خطوط مل گئے ۔
خطوط لاہور ہائیکورٹ کے سینئر ججز جسٹس شجاع علی خان، جسٹس شاہد بلال، جسٹس عالیہ نیلم کے نام بھجوائے گئے ہیں۔
دھمکی آمیز خطوط وصولی کی اطلاع کے بعد سی ٹی ڈی اور پولیس افسران لاہور ہائیکورٹ پہنچ گئے اور لاہور ہائیکورٹ کی سکیورٹی مزید سخت کردی گئی ہے۔
پولیس نے خط لانے والے کوریئر کمپنی کے ملازم کو بھی حراست میں لے کر تفتیش کیلئے نامعلوم مقام پر منتقل کردیا۔
واضح رہے گزشتہ روز اسلام آباد ہائیکورٹ کے 8 ججوں کو مشکوک خطوط موصول ہوئے تھے جس کا مقدمہ تھانہ سی ٹی ڈی میں مقدمہ درج کر لیا گیا تھا۔
