ویب ڈیسک(اسلام آباد): کنٹرول لائن کے دونوں طرف اوردنیابھرمیں مقیم کشمیری آج بھارت کایوم آزادی یوم سیاہ کے طورپرمنارہے ہیں اور اس موقع پر بھارت کے غیرقانونی زیرقبضہ جموں وکشمیرمیں آج مکمل ہڑتال کی جا رہی ہے۔
ہڑتال کی اپیل بزرگ حریت رہنما سید علی گیلانی اور کل جماعتی حریت کانفرنس کے رہنما میرواعظ عمر فاروق کی سربراہی میں قائم حریت فورم نے کی ہے جسے تمام حریت رہنماؤں اور تنظیموں نے حمایت حاصل ہے۔
بزرگ حریت رہنما سید علی گیلانی نے ایک پیغام میں کہا ہے کہ وہ قوم جو دوسروں کو آزادیوں سے محروم کرتی ہے۔ اپنی آزادی منانے کا حق کھو دیتی ہے۔
کل جماعتی حریت کانفرنس کے ترجمان نے ایک بیان میں اس بات کی سخت مذمت کی ہے کہ بھارت کے غیرقانونی زیرقبضہ جموں وکشمیر میں بنیادی انسانی حقوق اور شہری آزادیاں چھین لی گئی ہیں اور ان کی خلاف ورزی کی جا رہی ہے۔
