پاکستان سیٹیزن پورٹل قوم کیلئے وزیراعظم کا ایک تحفہ ہے.شبلی فراز

ویب ڈیسک (اسلام آباد):فاقی وزیر اطلاعات سینیٹر شبلی فراز نے اپنے ٹویٹپیغام میں کہا کہ عوام کو عوامی اداروں سے جوڑنے والا پاکستان سیٹیزن پورٹل قوم کیلئے وزیراعظم عمران خان کا ایک تحفہ ہے ۔انہوں نے کہا کہ دفاترکے چکر لگائے بغیر کوئی بھی شہری اپنا مسئلہ متعلقہ محکمہ کے ساتھ اٹھا سکتا ہے ۔

عمران خان نے شفافیت اور شکایت کے ازالے کیلئے رسائی دے کر لوگوں کے دل جیت لیے ۔وفاقی وزیر اطلاعات کا کہنا تھا کہ عوام کوطاقتوراور با اختیار بنانا وزیر اعظم عمران خان کا نصب العین ہے۔ تاریخ میں پہلی بار 1 لاکھ 70 ہزار بیرونِ ملک مقیم پاکستانی پورٹل پر رجسٹرڈ ہیں۔

انہیں پہلی بار اپنے مسائل کے حل کی سہولت گھر بیٹھے میسر آئی ہے۔ وزیر اعظم خود درخواستوں اور شکایات کے ازالے کیعمل کی نگرانی کرتے ہیں۔