ویب ڈیسک: پاکستان کرکٹ بورڈ کے چیئرمین رمیز راجہ نے کہا ہے کہ قومی ٹیم یاد رکھے کہ لاکھوں دل ان کے ساتھ دھڑکتے ہیں۔
چیئرمین پی سی بی رمیز راجہ نے سماجی رابطے کی ویب سائٹ ٹوئٹر پر قومی ٹیم کے کھلاڑیوں کو حوصلہ دیتے ہوئے کہا ہے کہ یاد رکھیں لاکھوں دل آپ کے ساتھ دھڑکتے ہیں اور لاکھوں لوگ آپ کے لیے دعا کر رہے ہیں۔
وفاقی وزیر اطلاعات فواد چوہدری بھی پاک بھارت میچ کے لیے کافی پرجوش ہیں۔ ٹوئٹر پیغام میں لکھا ہے پاک بھارت میچ کیلئے حوصلے بلند ہیں انشاءاللّٰہ پاکستان ہی جیتے گا۔
ٹی ٹوئنٹی ورلڈکپ میں پاکستان اور بھارت کے درمیان میچ کل شام 7 بجے کھیلا جائے گا، جس کی تیاریاں عروج پر ہیں جبکہ پاکستانی شائقین کرکٹ کا جوش و خروش بھی دیدنی ہے۔
