اسلام آباد : وزیر اعظم عمران خان سے اسپیکر قومی اسمبلی اسد قیصر کی ملاقات، ملاقات میں ملکی سیاسی اور کورونا کی صورتحال پر تبادلہ خیال،ملکی معیشت کو درپیش چیلنجز اور حکومتی اقدامات پر بات چیت.
ملاقات کے دوران وزیر اعظم عمران خان نے گفتگو کرتے ہوے کہا کہ زراعت کے شعبے کو بجٹ میں خصوصی توجہ دے کر ترقی دی جائے گی،زراعت کے شعبے میں موثر پالیسی پر توجہ دے رہے ہیں،وزیر اعظم نے خصوصی کمیٹی برائے زرعی اجناس سے سفارشات مانگ لی،
اسپیکر اسد قیصر نے کورونا سے متعلق پارلیمانی کمیٹی کی تجاویز سے آگاہ کیا، قومی اسمبلی کے ورچوئل اجلاس منعقد کرنے سے متعلق تبادلہ خیال،پارلیمنٹ میں قانون سازی کے حوالے سے مختلف امور پر گفتگو اسپیکر نے وزیراعظم کو بتایا کہ پارلیمان کو موجودہ حالات میں موثر کرنے کے لیے قائمہ کمیٹیاں ویڈیو لنک کے ذریعے منعقد کی جارہی ہیں۔
وزیراعظم نے قومی اسمبلی قائمہ کمیٹیوں کے ویڈیو لنک کےذریعے انعقاد کو سراہا،موجودہ حالات میں پارلیمان کو موثر اور فعال رکھنا انتہائی ضروری ہے،پارلیمنٹ عوام کی امنگوں کا ادارہ ہے،حکومت کورونا سے نمٹنے کے لیے موثر اقدامات کر رہی ہے،وزیر اعظم نے اسپیکر کی مذہبی ہم آہنگی پیدا کرنے کی کاوشوں کو سراہا.
