ویب ڈیسک(راولپنڈی):آرمی چیف جنرل قمر جاوید باجوہ نے کہا ہے کہ پاک فوج اردن کی مسلح افواج کے ساتھ دفاع و سیکیورٹی تعاون کا فروغ چاہتی ہے۔
پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق آرمی چیف جنرل قمر جاوید باجوہ سے اردن کے چیئرمین جوائنٹ چیف آف اسٹاف میجر جنرل یوسف احمد کی ملاقات ہوئی ہے۔
آئی ایس پی آر نے کہا ہے کہ ملاقات میں ملاقات میں پیشہ وارانہ امور، خطے کی سیکیورٹی صورتحال پر بات چیت کی گئی۔
آئی ایس پی آر نے یہ بھی کہا کہ میجر جنرل یوسف احمد نے پاک فوج کے پروفیشنلزم اور علاقائی امن کے لیئے مسلسل کوششوں کو سراہا۔
اس موقع پرآرمی چیف جنرل قمر جاوید باجوہ نے کہا کہ پاکستان اردن کے ساتھ اپنے برادرانہ تعلقات کی قدر کرتا ہے جبکہ پاک فوج اردن کی مسلح افواج کے ساتھ دفاع و سیکیورٹی تعاون کا فروغ چاہتی ہے۔
