ویب ڈیسک (اسلام آباد)وزیراعظم عمران خان کی جانب سے کل دورہ لاہورمتوقع کیا جارہا ہے۔
اس ضمن میں ذرائع کا کہنا ہے کہ دورہ لاہور کے دوران وزیراعظم سے وزیراعلیٰ پنجاب کی ملاقات ہوگی جبکہ ایوان وزیر اعلی میں مختلف اجلاسوں کی بھی صدارت کریں گے۔
ذرائع نے بتایا کہ وزیراعلیٰ عثمان بزدار پنجاب میں سینیٹ انتخاب کی تیاریوں، اتحادیوں سے مشاورت پر وزیراعظم کو اعتماد میں لیں گے اور اسکے علاوہ صوبے کے متعدد امور پر بھی مشاورت ہو گی۔
علاوہ ازیں وزیراعظم سے سینئر پارٹی رہنما اور اہم وزراء بھی ملاقات کریں گے۔
ذرائع کے مطابق وزیراعظم دورہ لاہور میں والٹن پر سنٹرل بزنس ڈسڑکٹ منصوبے کا سنگ بنیاد رکھیں گے۔