پشاور کے علاقہ تھانہ بڈھ بیر شیخ محمدی کی حدود میں رات گئےایک گھر پر حملہ ہوا ہے جس کے نتیجےمیں دو افراد جاں بحق جبکہ دو زخمی ہوگئے ہیں۔ نعشوں کوپوسٹ مارٹم کے لیے اور زخمیوں کو ہسپتال منتقل کر دیا گیا ہے۔ مقتولین کی شناخت نور اسلام اور عزیز کے نام سے ہوئی ہے۔
تفصیلات کے مطابق تین حملہ آوروں میں سے 2 کو اہل علاقہ نے گھیر لیا جبکہ ایک فرار ہونے میں کامیاب ہوگیا ہے، اہل علاقہ نے حملہ آوروں کو گھیرے میں لیکر حجرہ کا محاصرہ کررکھا ہے اور قاتلوں کو خود سزا دینے کامطالبہ کر رہے ہیں تاہم پولیس بھی موقع پر موجود ہے جبکہ مزید نفری بھی طلب کرلی گئی ہے پولیس اورمشتعل عوام کے درمیان مزکرات جاری ہیں ۔
