وزیر اعظم عمران خان نے منحرف ارکان اور اتحادیوں سے رابطوں سے متعلق سیاسی کمیٹی کو نئے ٹاسک دینے کا فیصلہ کیا ہے۔
میڈیا رپورٹس کے مطابق وزیر اعظم نے سیاسی کمیٹی کا اجلاس آج بروز منگل پھر طلب کرلیا، جس میں وزیر اعظم مسلم لیگ ق کے رہنما چوہدری پرویز الٰہی کو وزیر اعلیٰ پنجاب نامزد کرنے پر سیاسی کمیٹی کو اعتماد میں لیں گے۔
یہ بھی پڑھیں: تحریک عدم اعتماد: بلوچستان عوامی پارٹی کا اپوزیشن کی حمایت کا اعلان
رپورٹس میں بتایا گیا ہے کہ عمران خان سیاسی کمیٹی کے اجلاس میں منحرف اراکین اور اتحادیوں سے رابطوں سے متعلق کمیٹی کو نئے ٹاسک دیں گے۔
یاد رہے کہ وزیر اعظم نے گزشتہ روز اپنے خلاف تحریک عدم اعتماد پر حمایت کے بدلے مسلم لیگ ق کے رہنما پرویز الٰہی کو پنجاب کا وزیراعلیٰ نامزد کیاتھا۔
