عراق میں خوفناک بس حادثے میں 9 اساتذہ سمیت 11 افراد جاں بحق ہوگئے۔
مقامی میڈیا کی رپورٹ کے مطابق عراقی دارالحکومت بغداد میں افطار سے واپس آتے ہوئے اسکول بس اور گاڑی میں تصادم سے 11 افراد جاں بحق ہوگئے جن میں 9 اسکول ٹیچرز بھی شامل ہیں۔
میڈیا رپورٹس کے مطابق بس کے مسافر ایک افطار پارٹی سے واپس آ رہے تھے کہ سامنے سے آنے والی تیز رفتار گاڑی بس سے ٹکرا گئی۔
پولیس ذرائع نے بتایا ہے کہ ٹکراؤ کے بعد گاڑیوں میں آگ لگ گئی تھی۔
حادثے میں 5 مسافر زخمی بھی ہوئے جنہیں طبی امداد فراہم کرنے کے لیے قریبی اسپتال منتقل کیا گیا۔
