عمران خان کیخلاف قانونی کاروائی

پیپلزپارٹی عمران خان کیخلاف قانونی کاروائی کاارادہ رکھتی ہے،وفاقی وزیرشیری رحمان

ویب ڈیسک: وفاقی وزیر موسمیاتی تبدیلی سینیٹر شیری رحمان نے کہا ہے کہ عمران خان کی جانب سے آصف علی زرداری پر جھوٹے اور من گھڑت الزام پر پیپلز پارٹی کے چاہنے والوں، عہدیداران اور کارکنان نے شدید غصے کا اظہار کیا ہے، پیپلزپارٹی عمران خان کے خلاف قانونی کاروائی کا ارادہ رکھتی ہے۔

سماجی رابطے کی ویب سائٹ ٹویٹر پر وفاقی وزیر شیری رحمان نے اپنے بیان میں کہا ہے کہ عمران خان نے آصف زرداری پر قتل کے بےبنیاد اور جھوٹے الزام لگائے ہیں اس طرح کی الزام تراشی کو کسی بھی صورت میں برداشت نہیں کیا جائے گا۔

شیری رحمان نے خبردار کرتے ہوئے کہا کہ پیپلزپارٹی عمران خان کے خلاف قانونی کاروائی کا ارادہ رکھتی ہے، عمران خان اب عدالت میں ثبوت پیش کریں یا اپنے جھوٹ پر صدر زرداری سے معافی مانگے۔

انہوں نے کہا کہ عمران خان نے ہمیشہ دوسروں پر الزام تراشی کرکے سیاست میں متعلقہ رہنے کی کوشش کی ہے، جس شخص نے آج تک شہید بی بی کے قتل کی مذمت نہیں کی وہ آصف زرداری پر دہشتگرد تنظیم پر پیسا لگانے کا الزام للگا رہا ہے۔

شیری رحمان نے الزام لگاتے ہوئے کہا کہ دہشتگرد تنظیموں کے اتحادی عمران خان خود ہیں تاریخ گواہ ہے پیپلز پارٹی ہمیشہ دہشتگرد تنظیموں کے سامنے دیوار بن کر کھڑی رہی ہے۔

مزید دیکھیں :   زمان پارک سے گرفتارہونے والے دوافرادکاکالعدم تنظیموں سے رابطہ تھا

وفاقی وزیر شیری رحمان نے مزید کہا کہ ہم اس پارٹی سے تعلق رکھتے ہیں جس کی قائد نے سرےعام دہشتگردوں کو چیلنج کیا صدر زرداری نے شہید بی بی کے وعدے کے مطابق سوات میں پاکستان کا پرچم لہرایا۔