حال ہی میں اداکارہ حنا الطاف اور آغا علی نے کورونا وائرس کی وبا دنوں میں سادگی سے نکاح کیا تھا اور اب ایک اور پاکستانی شوبز جوڑی نے لاک ڈاؤن کے دوران شادی کر لی اداکارہ فریال محمود اور اداکار دانیال راحیل نے شادی کی خبر سوشل میڈیا پر مداحوں کو دی۔ فریال محمود نے اپنےانسٹاگرام اکاؤنٹ کی اسٹوریز پر دوستوں کی جانب سے دی جانے والی مبارکباد کے اسکرین شاٹس شیئر کیے۔ دوسری جانب اداکار دانیال راحیل نے بھی مداحوں کو نکاح کی خوشخبری سناتے ہوئے فیس بک پر ایک پیغام میں لکھا ’’ تقریبا ایک ہفتہ قبل کراچی سے بذریعہ سڑک لاہور پہنچے لیکن ہمارا سفر یہاں شروع نہیں ہواتھا، ہم نے اس مقام تک پہنچنےسے پہلے 2 سال گزارے۔ ہم نے گھر والوں کیلئے آدھے دن کی مسافت طے کی تا کہ ہم ایک ساتھ ہوسکیں اور میں یہ بات ہمیشہ سے جانتا تھا ‘‘۔
مزید پڑھیں
Load/Hide Comments