وزیرپٹرولیم عمرایوب خان نے کہاہے کہ پٹرولیم مصنوعات کی قیمتوں میں اضافہ گزشتہ ماہ کے دوران عالمی منڈی میں تیل کی قیمتوں میں تیزی سے اضافے کے نتیجے میں کیاگیاہے۔
انہوں نے ایک ٹوئیٹ میں کہاکہ گزشتہ ماہ تیل کی عالمی قیمتوں میں تیزی سے اضافے کے باعث پاکستانی روپے کی قدر دوسے تین روپے تک کم ہوگئی ہے۔
انہوں نے کہاکہ مطلوبہ اعدادوشمارجمع کرنے کے بعد پٹرول کی قیمت میں فی لٹراضافہ اکتیس روپے اٹھاون پیسے بنتاتھاتاہم حکومت نے یہ اضافہ صرف پچیس روپے اٹھاون پیسے کیا .اسی طرح ڈیزل کی فی لٹرقیمت میں اضافہ چوبیس روپے اکتیس پیسے بنتاتھا تاہم اس کی قیمت میں اکیس روپے اکتیس پیسے فی لٹراضافہ کیاگیا۔
عمرایوب نے کہاکہ پاکستان میں پٹرول کی قیمتیں اب بھی برصغیرمیں بڑے فرق کے ساتھ کم ترین سطح پرہیں،عالمی منڈی میں تیل مہنگا ہونے اور روپے کی قدر گرنے سے پیٹرولیم مصنوعات کی قیمت بڑھائی.
