ویب ڈیسک (پشاور) : نیب بارے سپریم کورٹ کے ریمارکس اے این پی کا ردعمل،مرکزی صدر اے این پی نے اپنے ایک بیان میں کہا ہے کہ
سپریم کورٹ کے فیصلے کے بعد نیب ادارہ بے معنی ہوچکا ہے،احتساب کے نام پر اپوزیشن کو انتقام کا نشانہ بنایا جارہا ہے، سپریم کورٹ نے ہمارے موقف پر تصدیقی مہر ثبت کردی.
ان کا کہنا تھا کہ چیئرمین نیب کو اخلاقی طور پر استعفیٰ دے کر گھر جانا چاہیئے،نیب ایک آمر کا بنایا ہوا ادارہ ہے جسے ہمیشہ مخالفین کے خلاف استعما ل کیا گیا،نیب زادہ اور نیب زدہ کا قانون اب بھی چل رہا ہے،حکومتی کرپشن پر احتساب کا ادارہ خاموش ہے.
خیبرپختونخوا میں کئی سکینڈلز سامنے آچکے ہیں لیکن نیب خاموش تماشائی بنا بیٹھا ہے،بی آر ٹی، مالم جبہ، پاکستان پوسٹ، آٹا چینی چوری، فری کتب تقسیم میں کرپشن کرنیوالوں کے خلاف کوئی کارروائی نہیں ہوئی،الزام پر اپوزیشن اراکین کو گرفتار کرنیوالا ادارہ رپورٹس آنے کے بعد بھی حکومتی اراکین کے خلاف کچھ نہیں کررہا.
