ویب ڈیسک(پشاور) تھانہ متنی پولیس نے کارروائی کرتے ہوئے درہ آدم خیل سے اسلحہ سمگل کرنے کی کوشش ناکام بنا دی ہے۔
پولیس کے مطابق تھانہ متنی کے علاقے میں ناکہ بندی کے دوران ایک مشکوک گاڑی کو روکا گیا ،جس کی تلاشی لینے پر گاڑی سے 9 شارٹ گن، ایک کلاشنکوف اور 5 ہزار سے زائد مختلف بور کے کارتوس برآمد ہوئے ،کارروائی کے دوران دو ملزموں کو گرفتار کیا گیا ، دو ملزمان محمد اشفاق اور شہزاد منورکا تعلق پنجاب سے ہےجبکہ ملزم محمد اشفاق پنجاب پولیس کا اہلکار ہے۔
پولیس ذرائع کےمطابق ملزمان کےقبضے سےاسلحہ برآمد کر کے ملزمان کے خلاف مقدمہ درج کر لیا گیا ہے۔
واضح رہےاسلحہ درہ آدم خیل کے علاقے سے اسمگل کیا جارہا تھا۔
