ویب ڈیسک: جرمنی کے پارلیمانی انتخابات میں سوشل ڈیموکریٹک پارٹی نے انتہائی کم مارجن سے سبکدوش ہونے والی چانسلر اینگلا مرکل کی پارٹی کرسچن ڈیموکریٹک یونین کو سخت مقابلے کےبعد شکست دے دی۔
سوشل ڈیموکریٹکس نے 25.7 فیصد جبکہ کرسچن ڈیموکریٹک یونین نے 24.1 فیصد ووٹ حاصل کیے ہیں۔
جرمن پارلیمانی انتخابات میں حصہ لینے والی سیاسی جماعت گرین 14.8 فیصد ووٹ کے ساتھ یہ تیسرے نمبر پر ہے۔
دوسری طرف جرمن انتخابات میں دو خواجہ سراوں نے بھی نشستیں جیت لی ہیں۔ گرین سے تعلق رکھنے والے دو خواجہ سراوں نے جرمن انتخابات میں پارلیمانی نشستیں جیت کر تاریخ رقم کردی۔ دونوں خواجہ سرا ٹیسا گانسرر اور نائیک سلویک گرین پارٹی کیلئے کھڑے ہوئے جو الیکشن میں تیسرے نمبر پرآئی ہے۔