بٹ کوائن کے ذريعے منی لانڈرنگ

بٹ کوائن کے ذريعے منی لانڈرنگ کرنے والے ملزمان کو گرفتار: ايف آئی اے

وفاقی تحقیقاتی ایجنسی (ايف آئی اے) کے سائبر کرائم نے کرپٹو کرنسی کے ذريعے منی لانڈرنگ کرنے والے 2 ملزمان کو گرفتار کر لیا ہے۔

میڈیا رپورٹس کے مطابق ايف آئی اے حکام نے کہا ہے کہ دونوں ملزمان کاروباری حضرات کے لئے کرپٹو کرنسی بٹ کوائن کے ذريعے منی لانڈرنگ کرتے تھے۔

یہ بھی پڑھیں: پاکستان کا 1600 سے زائد کرپٹو کرنسی ویب سائٹس کو بند کرنے پر غور

ايف آئی اے حکام کے مطابق دونوں ملزمان کو گرفتار کر کے مقدمہ درج کر ليا گیا ہے، جبکہ ملزمان کے مزيد ساتھيوں کی گرفتاری کے ليے چھاپے مارے جارہے ہيں۔

وفاقی تحقیقاتی ایجنسی کا کہنا ہے دونوں گرفتار ملزمان عمير اور يونس 6 ماہ سے يہ کام کررہے تھے اور اب تک ساڑھے 3 لاکھ ڈالر بيرون ملک بھجوا چکے۔ انہوں نے کہا کہ ملزمان عمير اور يونس کے قبضے سے ڈيڑھ کروڑ روپے سے زائد کی رقم بھی برآمد کرلی گئی ہے۔

مزید دیکھیں :   کھاد بحران، خیبرپختونخوا میں گندم کی فصل متاثر