وزیراعظم شہبازشریف نے پاکستان اور دنیا بھر کی مسیحی برادری کو ایسٹر کی خوشیوں کی مبارک دیتے ہوئے نیک تمنائوں کا اظہارکیا۔انہوں نے اپنے پیغام میں کہا کہ حضرت عیسیٰ سے والہانہ محبت وعقیدت مسیحیوں اور مسلمانوں کے درمیان قدر مشترک ہے۔ مسیحی برادری نے قیام پاکستان سے لے کر تعمیر پاکستان تک ہر مرحلے پر تاریخی کردار ادا کیا ہے۔ مسیحی برادری کی وطن عزیز کیلئے خدمات قابل تحسین ہیں۔انہوں نے پاکستان میں تعلیم، صحت ، دفاع سمیت تمام شعبوں میں غیرمعمولی خدمات انجام دی ہیں۔ مسیحی برادری سمیت تمام غیرمسلم پاکستانی ہمارا قابل فخر اثاثہ اور قوت ہیں، ہم اپنے غیرمسلم پاکستانیوں کی ترقی، بہبود اور آئینی حقوق کی فراہمی کو یقینی بنانے کا عزم رکھتے ہیں، اس تہوار پر پاکستان کی ترقی، دنیا میں امن ومحبت کے فروغ، تنازعات اور نفرتوں کے خاتمے کی خصوصی دعا کی اپیل کرتا ہوں۔
