ویب ڈیسک: امریکا کے مختلف ریاستوں میں جاری بدترین برفانی طوفان کے نتیجے میں اب تک 31 افراد ہلاک ہو چکے ہیں۔
امریکا کو اس وقت اپنی تاریخ کے بدترین برفانی طوفان کا سامنا ہے امریکی ریاستوں اوہائیو، کینٹکی، میزوری اور کنساس میں مسلسل ہونے والی برفانی طوفان سے معمولات زندگی کو مفلوج کردیا
۔
غیرملکی میڈیا کے مطابق برفباری سے نیویارک سب سے زیادہ متاثر ہے۔ امریکا میں جاری برفباری میں ہلاک ہونے والوں کی مجموعی تعداد 31 ہوگئی ہے۔ 5 ہزار کے قریب ملکی اور غیر ملکی پروازیں منسوخ کردی گئی ہیں، جارجیا، نارتھ کیرولائنا اور نیویارک میں ایمرجنسی نافذ کردی گئی ہے، 13 لاکھ افراد بجلی سے محروم ہوگئے۔
غیرملکی میڈیا رپورٹس کے مطابق امریکا کے مختلف ریاستوں میں جاری بدترین برفباری کے باعث فارم ہاؤسز میں متعدد مویشیوں کی ہلاکت کی بھی اطلاعات ہیں۔
