حسن علی انجری

پاکستانی فاسٹ باولر حسن علی انجری کا شکار ہو گئے

ویب ڈیسک: قومی کرکٹ ٹیم کے فاسٹ باولر حسن علی لنکن پریمئیر لیگ میں انجری کا شکار ہوگئے۔ لنکن پریمئیر لیگ میں ڈمبولا اورا کی نمائندگی کرنے والے قومی پیسر حسن علی بدقسمتی سے گال ٹائٹنز کے خلاف پلے آف میچ کے دوران انگلی کی انجری کا شکار ہوئے جس کے بعد انکی ٹورنامنٹ میں شرکت مشکوک ہوگئی ہے۔
سماجی رابطے کی سائٹ ایکس (ٹوئٹر) پر حسن علی نے مداحوں کو انجری کی اطلاع دیتے ہوئے تصدیق کی کہ میچ کے دوران لگنے والی چوٹ کے بعد ان کی سرجری ہوئی ہے۔ انہوں نے لکھا کہ ٹورنامنٹ کا اختتام میرے لیے اچھے انداز میں نہیں ہوا تاہم میں ایونٹ کے کچھ بہترین لمحات کو یاد کرنا چاہوں گا جبکہ مجھے فوری طبی امداد فراہم کرنے پر ٹیم انتظامیہ کا شکریہ ادا کرنا چاہتا ہوں۔ حسن علی نے فینز سے جلد صحتیابی کیلئے دعا کی درخواست بھی کی۔

مزید پڑھیں:  اسلام آباد ہائیکورٹ :صنم جاوید کی گرفتاری غیرقانونی قرار