فن پارے چوری

اٹلی میں نمائش سے 13لاکھ ڈالر مالیت کے فن پارے چوری

ویب ڈیسک: اٹلی میں جاری نمائش سے 13لاکھ ڈالر مالیت کے سونے کے بنے قیمتی فن پارے چوری ہوگئے۔
غیر ملکی میڈیا کے مطابق لائیک اے وارم، فلوئنگ گولڈ نامی نمائش کا آغاز دسمبر کے اواخر میں ہوا تھا اور اسے جمعے کے روز اختتام پذیر ہونا تھا تاہم بدھ کی رات نمائش میں موجود سونے سے بنے ہوئے 49فن پارے چوری ہوگئے۔
نمائش کے منتظمین کے مطابق بعد ازاں چوری شدہ فن پاروں میں سے ایک مجسمہ نمائش کے احاطے سے برآمد ہوگیا تاہم دیگر 48 فن پاروں کا اب تک کچھ پتا نہیں چلا۔
غیر ملکی خبر رساں ادارے کے مطابق منتظمین کا کہنا تھا کہ ان کے حفاظتی انتظامات اور الارم اعلی ترین معیار کے ہیں جس سے یہ اشارہ ملتا ہے کہ اس واردات میں ماہر ترین چوروں کا گروہ ملوث ہے۔

مزید پڑھیں:  صوبائی حکومت کا سکولوں اور مساجد کو شمسی توانائی پر منتقل کرنے کا اعلان