5525 2777561 updates

شاہد خان آفریدی نے سری لنکن پریمیئر لیگ کھیلنے کا معاہدہ کر لیا

ویب ڈیسک : قومی کرکٹ ٹیم کے سابق کپتان شاہد خان آفریدی نے سری لنکن پریمیئر لیگ کھیلنے کا معاہدہ کر لیا,جس میں وہ گال گلیڈی ایٹرز کی طرف سے کھیلیں گے، گال گلیڈی ایٹرز کی ملکیت پاکستان سپر لیگ کی فرنچائز کوئٹہ گلیڈی ایٹرز کے مالک ندیم عمر کے پاس ہے۔
اطلاعات ہیں کہ قومی ٹیم کے سابق کپتان سرفراز احمد بھی سری لنکن پریمیئر لیگ میں گال گلیڈی ایٹرز کی جانب سے کھیلیں گے پاکستانی ٹیم کے سابق وکٹ کیپر معین خان لیگ کے افتتاحی ایڈیشن میں گال کی کوچنگ کے فرائض سر انجام دیں گے۔
جس میں کولمبو، کینڈی، گالے، ڈمبولا اور جعفنا کے شہروں کے نام سے منسوب 5 ٹیمیں لیگ میں حصہ لیں گی اس میں 23 مقابلے ہوں گے جو 14 نومبر سے 6 دسمبر تک جاری رہیں گے، قبل ازیں یہ ٹونامنٹ اگست میں شروع ہونا تھا لیکن کورونا وائرس کے باعث تاریخ تبدیل کرنی پڑی۔