ویڈیو: پاک فضائیہ کے گر کر تباہ ہونے والے طیارے کے مناظر
پاکستان ائیر فورس کا تربیتی طیارہ خیبر پختونخوا کے دارالحکومت پشاور میں گر کر تباہ ہو گیا ہے۔
پشاور میں گر کر تباہ ہونے والے پاک فضائیہ طیارے کی ویڈیو فوٹیج آگئی ہے۔ ویڈیو میں دیکھا جا سکتا ہے کہ پاک فضائیہ کا طیارہ کسی ٹیکنیکل خرابی کے باعث کافی دیر ہوا میں رہا۔ طیارے میں موجود دونوں پائلٹوں نے سنبھالنے کی کافی کوشش کی۔
آخر کار پائلٹ طیارے پر قابو نہ پا سکے اور طیارہ ورسک روڈ گھڑی تاجک نزد شاہدل بانڈہ پیپل سٹاپ کے قریب ایک حجرے میں گر کر تباہ ہو گیا۔
اطلاع ملنے پر ریسکیو 1122 کی ایمبولینس اور فائر ویکل نے موقع پر پہنچ کر امدادی کاروائیاں شروع کر دیں ہیں، تاہم طیارے میں موجود دونوں پائلٹ شہید ہو گئے۔
