ویب ڈیسک(لنڈی کوتل) پاک افغان طورخم سرحد پر سکینرخراب ہو گیا۔ سکینر خراب ہونے کے باعث گاڑیوں کی کلئیرنس کا عمل معطل جسکے باعث بارڈر پر دو طرفہ تجارت بری طرح متاثر ہے۔
ذرائع کے مطابق بارڈر کے دونوں اطراف گاڑیوں کی لمبی قطاریں لگ گئیں، ٹرانسپورٹرز کو مشکلات کا سامنا کرنا پڑ رہا ہے۔
ٹرانسپورٹرز کا کہنا تھا کہ بارڈر پر گاڑیوں کی سکریننگ کے لیے صرف ایک ہی سکینر موجود ہے، سکینر نہ ہونے کے باعث بارڈر پر گاڑیاں کئی دنوں کھڑی کرتے ہیں۔انہوں نے کہا کہ بارڈر پر مزید سکینرز نصب کئے جائیں۔
اس ضمن میں بارڈر حکام کا کہناتھا کہ سکینرپرکام جاری ہے، جلد ہی فعال کر دیا جائے گا۔
