ویب ڈیسک (پشاور)خیبرپختونخوا کے واحد امراض قلب ہسپتال پشاور انسٹیٹویٹ آف کارڈیالوجی کی بڑی کامیابی، اب کوئی بھی بچہ علاج سے محروم نہیں رہے گا۔
تفصیلات کے مطابق صوبے میں امراض قلب کا شکار بچوں کے لیے آپریشن کی سہولت کا آغاز کردیا گیاہے۔
ہسپتال ترجمان رفعت انجم کے مطابق پشاور انسٹیٹیوٹ آف کارڈیالوجی ہسپتال میں دوبچیوں چار سالہ عائزہ اور پانچ سالہ بریرہ کے دل کا کامیاب آپریشن کیا گیا ہے۔
دونوں بچیوں کا علاج صحت انصاف کارڈ کے تحت مفت کیا گیا ہے، چار سالہ عائزہ کے دل میں سوراخ جبکہ پانچ سالہ بریرہ کو دل میں سوراخ کے ساتھ ایک وال کی بندش کی بھی تکلیف تھی ۔
بچیوں کے والدین نے خوشی کا اظہار کرتے ہوئے کہاکہ پی آئی سی ہم جیسے والدین اور ان بچوں کے لیے کسی نعمت سے کم نہیں۔
ترجمان پی آئی سی کے مطابق صوبے میں اب تک بچوں میں امراض قلب کے آپریشن کے لیے مختص سہولت موجود نہیں تھی۔ پشاور انسٹیٹیوٹ آف کارڈیالوجی صوبےکا پہلا مختص پیڈیا ٹرک ہسپتال بن گیا۔