ویب ڈیسک(پشاور)کوہاٹ میں میڈیکل کی طالبہ عاصمہ رانی قتل کیس کا فیصلہ آج سنائے جانے کا امکان ہے، عاصمہ رانی کو شادی سے انکار پر 2018 میں گھر کے سامنے قتل کیا گیا تھا۔
تفصیلات کے مطابق ڈسٹرکٹ اینڈ سیشن جج سینٹرل جیل پشاور میں میڈیکل کی طالبہ عاصمہ رانی قتل کیس کی خصوصی سماعت کرے گا ، جس میں کیس کافیصلہ آج سنائےجانےکاامکان ہے۔
یاد رہے کہ جنوری 2018 میں کوہاٹ میں مجاہدآفریدی نےرشتےسےانکارپرمیڈیکل کالج میں زیرتعلیم ایم بی بی ایس تھرڈ ایئر کی طالبہ عاصمہ رانی کوفائرنگ کرکےگھرکےسامنےقتل کردیاتھا،جس کےفوری بعدملزم سعودی عرب فرارہوگیا تھا جسے انٹرپول کے ذریعے گرفتار کیا گیاتھا۔
عاصمہ رانی نےزخمی حالت میں ویڈیوبیان میں ملزم مجاہداللہ آفریدی کانام لیا ، جس پر چیف جسٹس میاں ثاقب نثار نے کوہاٹ میں میڈیکل کی طالبہ عاصمہ رانی کے قتل کا ازخود نوٹس لیتے ہوئے آئی جی خیبرپختونخوا سے 24 گھنٹوں میں رپورٹ طلب کی تھی۔
