ویب ڈیسک(ایبٹ آباد )تیز بارشوں کے پیش نظر گلیات آنے والے سیاحوں کیلئے ایڈویزری جاری کر دی گئی ۔ترجمان جی ڈی اے کے مطابق آج سے جمعہ تک مون سون کی بارشوں کا نیاسلسلہ شروع ہونے کاامکان ہے، شدید بارشوں کے دوران لینڈ سلائیڈنگ سے ٹریفک متاثر ہوسکتی ہے، سیاح دوراں بارش اور اندھیرے میں ڈرائیونگ سے اجتناب کریں، لینڈ سلائیڈنگ کی صورت میں عملے کو 24 گھنٹے فیلڈ میں رہنے کی ہدایت کر دی گئی۔
ترجمان جی ڈی اے کا کہنا تھا کہ روڈ سائیڈ چھوٹی بڑی مشینری کی دستیابی کو یقینی بنایا جا ئیگا، بارشوں کا سلسلہ جمعہ کیروز تک جاری رہنے کا امکان ہے، سیاح دوران سفر احتیاطی تدابیر اختیار کریں۔سیاحتی مقامات میں موسمیاتی صورت حال اور راستوں سے متعلق ہیلپ لائن 1422پر رابطہ کریں، سیاح کسی بھی مدد و رہنمائی کی صورت میں 03411112226 پر رابطہ کریں۔
