ویب ڈیسک (اسلام آباد)نیشنل الیکٹرک پاورریگولیٹری اتھارٹی(نیپرا) نے بجلی کی قیمت میں 1روپے38پیسے فی یونٹ اضافے کی منظوری دیدی۔
نیپرانے جولائی کے ماہانہ فیول ایڈجسٹمنٹ چارجز کی مد میں بجلی کی قیمت میں1روپے38 پیسے فی یونٹ اضافے کی منظوری دے دی، جس کا اطلاق ستمبر کے مہینے کے بلوں پر ہوگا۔
یہ بھی پڑھیں:طالبان کےاقتدار میں آنےکےبعد پاک افغان تجارت میں اضافہ
نیپرا نے نوٹیفکیشن جاری کردیا جس کے مطابق سی پی پی اے -جی نے1روپے 47 پیسے فی یونٹ اضافے کی درخواست کی تھی، اتھارٹی نے یکم ستمبر 2021 کو ایف سی اے پر عوامی سماعت کی تھی، جس کی روشنی میں قیمت بڑھانے کا فیصلہ کیا گیا۔
اس اضافے کا اطلاق ڈسکوز کے تمام صارفین ماسوائے لائف لائن صارفین پر ہوگا، جبکہ فیول پرائس ایڈجسٹمنٹ کا اطلاق کے الیکٹرک صارفین پر بھی نہیں ہوگا۔