ویب ڈیسک ( مہمند ایجنسی )ضلع مہمند کی تحصیل حلیمزئی کے علاقہ بابی خیل مٹین کور میں دو فریقین کے درمیان فائرنگ سے تین افراد جاں بحق اور دو شدید زخمی ہوگئے ۔
تفصیلات کےمطابق تحصیل حلیمزئی کے علاقہ مٹین کور میںرسول خان اور زیورشاہ کے درمیان تین سال سے زمین کا تنازعہ چلا آرہا تھا اسی تنازعے پر ایک دوسرے پر فائرنگ کرتے ہوئے فریقین نے تین افراد کو قتل اور دو کو شدید زخمی کردیا۔
یہ بھی پڑھیں:تیراہ میں جرگہ کےدوران فائرنگ ،2افرادجاں بحق ،3زخمی
جاں بحق ہونے والے افراد میں رسول خان ولد خائستہ گل سکنہ بابی خیل ،ابرہیم ولد رسول خان سکنہ بابی خیل اور فریق دوم سے زیور شاہ سکنہ مٹین کور شامل ہیں جبکہ صدیق ولد رسول خان اور ارشاد ولد زیور شدید زخمی ہو گئےجنہیں ہیڈ کوارٹر ہسپتال منتقل کر دیا گیا واقعہ کی اطلاع ملتے ہی پولیس موقع پر پہنچ گئی ۔
