پشاور: وزیر اعلی خیبر پختونخوا محمود خان نے پولیس کی طرف سے شہری پر تشدد کی ویڈیو کا سخت نوٹس لے لیا، آئی جی پی کو واقعے میں ملوث تمام پولیس اہلکاروں کو فوری معطل اور گرفتار کرنے کا حکم دیا گیا، واقعے کی انکوائری کر کے رپورٹ پیش کرنے کی ہدایت دی،
وزیر اعلی محمود خان نے کہا کہ متاثرہ شہری کو مکمل انصاف دیا جائے گا، واقعے میں جو بھی ملوث پایا گیا اسے سخت سزا دی جائے گی، کسی کو بھی اپنے اختیارات سے تجاوز کر نے کی اجازت نہیں دی جائے گی، اگر کوئی مجرم بھی ہے تو اس کو سزا دینا عدالت کا کام ہے پولیس کا نہیں، زیادتی کے مرتکب اہلکاروں کو نشان عبرت بنائیں گے۔
