ویب ڈیسک (پشاور) پاکستان پیپلز پارٹی کے صدر نجم الدین خان نے مشرق ٹی وی اور اخبار کا دورہ کیا، اس موقع پر نجم الدین خان کو مشرق ٹی وی کے مختلف شعبوں کا دورہ کرایا گیا۔
نجم الدین خان کا کہنا تھا کہ مشرق نے ہمیشہ غیر جانبدارانہ اور اصولوں کی صحافت کی ہے جبکہ عوام کی آواز حکام بالا تک پہنچانا بہت بڑی خدمت ہے۔ صوبائی صدر نے حکومت کو آڑے ہاتھوں لیتے ہوئے کہا کہ حکومت نے غریب کے منہ سے روٹی کا نوالہ چھین لیا ہے جبکہ لوگ مہنگائی کے ہاتھوں خودکشیاں کرنے پر مجبور ہوگئے ہیں۔ انہوں کا کہنا تھا کہ پاکستان پیپلز پارٹی غریب عوام کے ساتھ کھڑی ہے جبکہ پیپلز پارٹی مہنگائی کے خلاف مسلسل آواز اٹھا رہی ہے۔ بلدیاتی انتخابات کروانا پی ٹی آئی کا کارنامہ نہیں بلکہ سپریم کورٹ کے فیصلے کے بعد یہ مجبور ہوکر انتخابات کروارہے ہیں ۔
کم نمبر والے طلبہ سے خصوصی امتحان لینے کا فیصلہ
نجم الدیں خان کا کہنا تھا کہ بلدیاتی انتخابات میں پیپلز پارٹی سولو فلائٹ لے گی اور پورے صوبے میں کلین سویپ کریگی جبکہ انتخابات کے لیے ڈویژنل اور ضلع سطح پر کمیٹیاں بن چکی ہیں اور درخواستوں کا سلسلہ جاری ہے ۔ ملک میں جاری حالیہ بحران پر انکا کہنا تھا کہ یہی پی ٹی آئی ایک وقت میں تحریک لبیک کی حمایت کرتی تھی ، ملک میں کسی کو بھی قانون ہاتھ میں لینے کی اجازت نہیں ہونی چاہیے جبکہ پیپلز پارٹی نے ہمیشہ دہشتگردی اور انتہاپسندی کی مخالف کی ہے کیونکہ پیپلز پارٹی خود دہشتگردی کا شکار رہی ہے۔
