سعودی عرب کے حکام کی جانب سے خانہ کعبہ اور مسجد نبوی ﷺ میں اعتکاف کی اجازت دے دی گئی ہے۔
میڈیا رپورٹس کے مطابق عالمی وبا کورونا وائرس کی یومیہ کیسز میں نمایاں کمی کے بعد سعودی حکومت نے کورونا پابندیوں کے خاتمے کے ساتھ ساتھ خانہ کعبہ اور مسجد نبوی ﷺ میں اعتکاف کی اجازت بھی دے دی ہے۔
یہ بھی پڑھیں: چین میں مسافر طیارہ 132 افراد سمیت گرکر تباہ
رپورٹس میں بتایا گیا ہے کورونا وائرس کے دو سال بعد سعودی عرب میں خانہ کعبہ اور مسجد نبوی ﷺ میں اعتکاف کی اجازت دی گئی ہے۔
سعودی عرب میں مقدس مقامات کی خدمات پر مامور کمیٹی نے رواں برس ماہ رمضان کی مبارک سعادتوں کو عبادات اور اذکار سے سجانے کے لیے اہم فیصلے کیے ہیں۔
اس کے علاوہ بیرون ملک سے آنے والے مسافروں پر عائد کورونا سے متعلق تمام پابندیاں بھی سعودی حکام نے ختم کر دی ہیں۔ اب سعودی عرب آنے کے لیے کورونا کے خلاف ویکسی نیشن کا سرٹیفکیٹ، ضروری قرنطینہ اور پی سی آر ٹیسٹ کروانے کی شرط بھی ختم کر دی گئی ہے۔