ویب ڈیسک(میرانشاہ ) شمالی وزیرستان کے صدر مقام میرانشاہ میں وزیرستان تعلیمی اصلاحی جرگہ کا پریس کلب کے سامنے احتجاجی مظاہرہ کیا ۔
احتجاجی مظاہرے کی قیادت تعلیمی اصلاحی جرگہ کے صدر محمد اصغر خان کررہے تھےمظاہرین نے ہاتھوں میں کالے جھنڈے اور بینرز اٹھا رکھے تھے جس پر مطالبات درج تھے ۔اپنے ساتھی استاد نیک محمد فدا کے رہائی کیلئے نعرے بھی لگائے۔
احتجاجی مظاہرے میں تعلیمی اداروں کے اہلکاروں کے ساتھ سیاسی اتحاد نے بھی شرکت کی انہوں نے کہا کہ ہمارے سکول ٹیچر نیک محمد فدا کو جلد از جلد باعزت طور پر رہا کیا جائے مذکورہ سکول ٹیچر نیک محمد فدا خان گزشتہ 35 دنوں سے حکومت کی تحویل میں ہیں ۔
ملک لیاقت علی خان آرگنائزر پی ایم ایل نے کہا کہ نیک محمد فدا گورنمنٹ ہائی سکول رزمک میں بطور وائس پرنسپل تعینات تھے،گرفتار ملازمین کو رہائی دی جائے یا عدالت میں پیش کیا جائے ٹیچرز کی گرفتاری کی وجہ سے علاقے میں پڑھائی متاثر ہوتی ہے۔
صدر اضعر نے کہا اگر ہمارے ٹیچر کو رہا نہیں کیا گیا تو ہم سکولوں کو بند کرکے بچوں سمیت وزیرستان کے تمام اہم شاہراہوں کو بشمول پاک افغان بند کردیں گے ۔
