ویب ڈیسک(پشاور)پاکستان میڈیکل کمیشن نے 36میڈیکل اور ڈینٹل کالجز میں کئے گئے داخلے منسوخ کردیئے ۔
خیبر پختونخوا کے چند کالجز سمیت8کالجز میں داخلے معطل ، پی ایم سی نے 8 مارچ سے کئے گئے داخلےقواعد و ضوابط کی خلاف ورزی پرمنسوخ کئے۔
ذرائع کے مطابق پی ایم سی نے 9کالجز کو مختلف اقدامات اٹھانے کی ہدایت کردی ہے۔پاکستان میڈیکل کمیشن کی جانب سے اعلامیہ جاری کردیا گیا ۔
اعلامیےمیں کالجز کو5روز میں نئے اشتہار کے ذریعے داخلے کرنے کا ہدف دیا گیا ہے۔
ذرائع کا کہنا ہے کہ ایم بی بی ایس اور بی ڈی ایس داخلوں کے سلسلے میں میڈیکل اور ڈینٹل کالجز کیلئے میرٹ اور قواعد وضوابط جاری کئے گئے تھے،اس حوالے سےپاکستان میڈیکل کمیشن کو شکایات بھیجی گئیں،معاملے کی چھان بین کے نتیجے میں پی ایم سی نے حتمی فیصلہ جاری کردیا۔
