ویب ڈیسک (اسلام آباد): 300 میگاواٹ بالاکوٹ ہائیڈرو پاور پراجیکٹ کی تعمیر میں اہم پیشرفت، حکومت پاکستان اور ایشیائی ترقیاتی بینک کے درمیان منصوبے کی فنانسنگ ایگریمنٹ پر دستخط، اکنامک آفیئرز ڈویژن اور ایشیائی ترقیاتی بینک کے درمیان معاہدے پر دستخط کئے گئے، معاہدے پر دستخط کرنے کی تقریب اسلام آباد میں منعقد ہوئی، وزیر اعلی خیبر پختونخوا محمود خان اور وفاقی وزیر عمر ایوب تقریب کے مہمان خصوصی تھے، ایگریمنٹ کے تحت ایشیائی ترقیاتی بینک آسان شرائط پر 300 ملین ڈالر کا قرضہ فراہم کرے گا، ایشیائی ترقیاتی بینک یہ قرضہ 27 سال کی مدت کے لئے فراہم کرے گا، یہ منصوبہ 85 ارب روپے کی مجموعی لاگت سے چھ سال کے عرصے میں مکمل کیا جائے گا۔
محمود خان نے کہا کہ عنقریب اس اہم منصوبے کا سنگ بنیاد رکھا جائے گا، توقع ہے وزیر اعظم عمران خان خود اس منصوبے کا سنگ بنیاد رکھیں گے، اس منصوبے کی تعمیر کے دوران روزگار کے بارہ سو سے زائد مواقع پیدا ہونگے، موجودہ حکومت صوبے میں پن بجلی کے مواقع سے بھر پور استفادہ کرنے کے لئے موثر اقدامات اٹھا رہی ہے۔ عمر ایوب نے کہا کہ یہ منصوبہ ضلع مانسہرہ میں دریائے کنہار پر تعمیر کیا جائے گا، منصوبے کی تکمیل سے بجلی کی پیداوار میں خاطر خواہ اضافہ ہو جائے گا، عمر ایوب