ویب ڈیسک:( لنڈیکوتل )ڈسٹرکٹ ہیڈ کوارٹر ہسپتال لنڈی کوتل کے آپریشن تھیٹر میں پانی نہ ہونے کے باعث آپریشن کیلئے آئے مریضوں کو شدید مشکلات کا سامنا ہے. جس کے باعث مریض گھروں اور بازار سے پانی لانے پر مجبور ہوگئے ہیں۔
ہسپتال ذرائع کا کہنا ہے کہ لنڈی کوتل ہسپتال میں پانی نہ ہونے کے حوالے سے محکمہ صحت اور دیگر حکام کو آگاہ کر رکھا ہے لیکن ابھی تک ہسپتال میں پانی کا مسئلہ حل نہ ہوسکا، مریضوں نے محکمہ صحت اور دیگر اعلیٰ حکام سے مطالبہ کیا کہ لنڈی کوتل ڈسٹرکٹ ہیڈکوارٹر ہسپتال کے آپریشن تھیٹر،ایمرجنسی یونٹ او پی ڈی اور دیگر وارڈز میں پانی فراہمی کیلئے عملی اقدامات کریں۔