پاکستان سپر لیگ (پی ایس ایل) میں شامل ٹیم کوئٹہ گلیڈی ایٹرز کے آل راؤنڈر محمد نواز انجری کے باعث ایونٹ کے بقیہ میچز سے باہر ہو گئے ہیں۔
تفصیلات کے مطابق کوئٹہ گلیڈی ایٹرز کے ترجمان نے کہا ہے کہ آل راؤنڈر محمد نواز بائیں پاؤں میں فریکچر کی وجہ سے باہر ہو گئے ہیں، پاکستان ٹیسٹ اسکواڈ میں شامل محمد نواز کی آسٹریلیا کے خلاف سیریز میں شرکت بھی مشکوک ہو گئی ہے۔
یہ بھی پڑھیں: عمران خان کا پی ایس ایل سیزن 7 کا فائنل سٹیڈیم میں دیکھنے کا امکان
ترجمان کا مزید کہنا تھا کہ میچ کے دوران محمد نواز کے پاؤں پر زور پڑا تھا جس کے بعد فریکچر کی تصدیق ہو ئی۔
واضح رہے کہ آل راؤنڈر محمد نواز آسٹریلیا کے خلاف قومی ٹیسٹ اسکواڈ میں شامل ہیں جبکہ سیریز کا پہلا ٹیسٹ 4 مارچ سے شروع ہوگا۔