آزاد کشمیر اسمبلی کے سابق اسپیکر شاہ غلام قادر کا کہنا ہےکہ سابق وزیر اعظم نواز شریف نے آزاد کشمیر میں بھی تحریک عدم اعتماد لانے کی اجازت دے دی ہے۔
تفصیلات کے مطابق آزاد کشمیر کے سابق اسپیکر نے سابق وزیراعظم نواز شریف سے لندن میں ملاقات کی۔ ملاقات کے بعد میڈیا سے گفتگو کرتے ہوئے انہوں نے کہا کہ پاکستان میں حکومت کی تبدیلی کے بعد آزاد کشمیر حکومت سے بھی چھٹکارہ حاصل کریں گے۔
یہ بھی پڑھیں: ترین گروپ سمیت سارے گروپ اپوزیشن کا ساتھ دیں گے: حمزہ شہباز
آزاد کشمیر اسمبلی کے سابق اسپیکر شاہ غلام قادر نے کہا کہ آزاد کشمیر کے وزیر اعظم بھی اکثریت کھو چکے ہیں کیونکہ انہوں نے پارلیمانی پارٹی کا اجلاس بلایا تو 8 رکن بھی جمع نہیں ہوسکے۔
سابق اسپیکر نے کہا کہ پاکستان میں عمران خان کے رہنے کا کوئی جواز نہیں بچا ہے جب کہ قومی اسمبلی کے اسپیکر اسد قیصر نے آئین کے ساتھ کھلو اڑ کیا ہے۔
