یورپ کی فٹ بال تنظیم یو ای ایف اے کو 2028 اور 2032 کی یورپی چیمپیئن شپ کی میزبانی کے لئے تین بولی ڈوزیئر موصول ہو گئے ہیں۔ جن میں ترکی اور اٹلی کے علاوہ برطانیہ اور آئرلینڈ کی مشترکہ بولی شامل ہے۔ بولی ڈوزیئرز2028 اور 2032 یورپی چیمپئن شپ کی میزبانی میں دلچسپی رکھنے والی ان کے متعلقہ رکن قومی فٹ بال فیڈریشنز کی طرف سے بھیجے گئے ہیں۔ برطانیہ اور آئرلینڈ کی نظریں یورو 2028 ایڈیشن کی میزبانی پر مرکوز ہیں۔ انگلش بولی میں دس اسٹیڈیم شامل ہیں، چھ انگلینڈ میں اور چار دوسرے ممالک میں، اسٹیڈیم کی اوسط گنجائش تقریبا 58,000 ہے۔ ویمبلے اسٹیڈیم کی گنجائش 90,652 جبکہ بیلفاسٹ کے کیسمنٹ پارک میں 34,500 شائقین کی گنجائش ہے۔ حکومت کی سپورٹ سے بھیجی جانے والی بولی میں دعویٰ کیا گیا ہے کہ تقریبا 30 لاکھ ٹکٹ دستیاب ہوں گے، جو ٹورنامنٹ کی تاریخ کے کسی بھی پچھلے ایڈیشن سے زیادہ ہیں۔ اسی ترک فٹ بال فیڈریشن کے توسط سے یورو 2028 یا یورو 2032 کی میزبانی کے حصول کی مسلسل چھٹی کوشش کے لیے بولی کے دستاویز بھیجے ہیں۔ ترکی کے وزیر کھیل محرم کاساپوگلو نے حکومتی ضمانت پر دستخط کیے ہیں اور کہا ہے کہ ترکی کے پاس اس طرح کے مقابلوں کی میزبانی کے لیے درکار ہر چیز موجود ہے۔ استنبول کا اتاترک اولمپک اسٹیڈیم 6 جون 2023 کو اس سال چیمپئنز لیگ کے فائنل کی میزبانی کرنے والا ہے۔ اٹلی اطالوی فٹ بال فیڈریشن نے یورو 2032 کے لیے اپنی بولی کا ڈوزیئر جمع کرایا۔ ان ٹورنامنٹس کی میزبانی کسے ملے گی اس کا فیصلہ یو ای ایف اے کی ایگزیکٹو کمیٹی 10 اکتوبر کے اجلاس میں کیا جائے گا۔
