ہری پور میں کوسٹر بس کھائی میں گرنے سے 10مسافر جاں بحق، متعدد زخمی ہو گئے ۔
حادثہ تھانہ مکھنیال کی حدود ترناوہ کے مقام پر پیش آیا جہاں کوسٹر بس گہری کھائی میں جا گری ،حادثے میں 10افراد جاں بحق جبکہ 15سے زائد زخمی ہو گئے ہیں ۔
حادثے کا شکار ہونے والی کوسٹر بس میں تعداد سے زیادہ مسافرسوارتھے جن میں بچے اور خواتین بھی شامل تھے ۔
ریسکیو ٹیمیں فوری طورپر جائے وقوعہ پر پہنچ گئیں جنہوں نے امدادی کارروائی شروع کرتے ہوئے زخمیوں کو نکال کر ہسپتال منتقل کردیا ۔
